| پروانہ ہے یہ دل بھی سرکار آپ کا |
| ڈنکا جہانِ حب میں دلدار آپ کا |
| میرے سخی ہے تیرا سارا جہاں گدا |
| ہر آن کھائے صدقہ سنسار آپ کا |
| ٹھندک ہوں چشم کی اب جلوے جمالِ جاں |
| مانگے سدا یہ دل بھی دیدار آپ کا |
| خُلقِ عظیم رب نے سرکار کو کہا |
| روشن ہے اس دہر میں کردار آپ کا |
| کر دیں ٹھکانہ میرا بطحا میں یا حبیب |
| دیکھے نظر حزیں کی دربار آپ کا |
| آتے ہیں تیرے در پر نوری صبا مساء |
| سب سے فیاض ہادی گھر بار آپ کا |
| ہاتھو میں تیرے آقا قدرت کے گنج آئے |
| محتاج ہر زماں ہے مختار آپ کا |
| میرے کریم رکھنا در پر غلام کو |
| جائے کہاں سخی جی نادار آپ کا |
| عرضی ہے میرے دل کی پیارے کریم سے |
| بردہ رہے سدا یہ بیدار آپ کا |
| روضہ نبی کے درِشن محمود کو ملیں |
| ہو جائے کرم اس پر سرکار آپ کا |
معلومات