| یہی گر روش ہے تو پچھتائیے گا |
| کوئی ہم سا عاشق نہیں پائیے گا |
| ہیں ہر لحظہ ہم تو سراپا سماعت |
| ہے کیا حکم؟ سرکار فرمائیے گا! |
| بھلا کیسے کہہ سکتے رازِ جگر ہم |
| اگر آپ اس درجہ شرمائیے گا |
| نہ بدلیں اگر اپنی طرز و روش کو |
| تو پھر آپ منہ کی یوں ہی کھائیے گا |
| وفا کیجیے آپ وعدۂ فردا |
| بھلا آپ کب تک یوں تڑپائیے گا |
| یہ مانا کہ وہ شوخ آئے نہ تم تک |
| تو گھٹ گھٹ کے ثانی یوں مر جائیے گا |
| مری مشتِ خاکی اڑی صحرا صحرا |
| ہمیں پائیے گا جہاں جائیے گا |
| ان گستاخیوں کا بھی انجام کیا ہے |
| اشاروں اشاروں میں کہہ جائیے گا |
| بھری بزم میں اپنی قاتل ادا سے |
| کہا کیا یہ ہم کو بھی سمجھائیے گا |
| تمہارے ہی گیسو میں الجھیں گے پاؤں |
| اگر آپ اس درجہ اترائیے گا |
| اگر قتل ہونا ہو کوچے میں اس کے |
| خراماں خراماں چلے آئیے گا |
| ان زلفوں کو شانہ بھلا کون دے گا |
| جو ہر روز ثانی کو مروائیے گا |
| اگر یاں سے ہم روٹھ کر چل دیے پھر |
| تو بس ہاتھ ملتے ہی رہ جائیے گا |
| یوں اپنی اداؤں کی نازک ٹھسک سے |
| بھلا کب تلک دل کو دھڑکائیے گا |
| ہے احسان گر زلفِ مشکیں کی برسے |
| مرے کوچۂ دل کو مہکائیے گا |
| چپکتے چلے جا رہے ہیں پپوٹے |
| لعابِ دہن پھر سے ٹپکائیے گا |
| زمانے پہ احسان ہوگا تمہارا |
| اگر وہ یہ کافر کو لے آئیے گا |
| تو پھر آپ بھی ہو گئے اس میں شامل |
| اگر وارِ ظالم کو سہہ جائیے گا |
| نکل جائیں قبروں سے سب مرنے والے |
| اگر بام پر آپ آ جائیے گا |
معلومات