| اب بہکنے سے نہ روکے کوئی |
| بس تڑپنے سے نہ روکے کوئی |
| ہم اُڑانوں پہ یقیں رکھتے ہیں |
| ہم کو اڑنے سے نہ روکے کوئی |
| ہم نے مانگی تھی دعا بارش کی |
| اب برسنے سے نہ روکے کوئی |
| ہم مُسافر ہیں ہمیں چلنا ہے |
| ہم کو چلنے سے نہ روکے کوئی |
| ہم ستاروں کی طرح چمکے ہیں |
| اب چمکنے سے نہ روکے کوئی |
| حسرتِ دید کہہ رہی ہے یہی |
| سانس چلنے سے نہ روکے کوئی |
| یہ تو زخموں کی آبیاری ہے |
| دل دہکنے سے نہ روکے کوئی |
| رنگ پھیلا ہے، مہکتے گل ہیں |
| گل مہکنے سے نہ روکے کوئی |
| دل دھڑکتا ہے وفا میں مانی |
| اور دھڑکنے سے نہ روکے کوئی |
معلومات