| بلند دو جہاں میں یا خدا ترا ہی نام ہے |
| تو ہی چلا رہا ہے دو جہاں کا جو نظام ہے |
| زمین و آسمان فانی ہیں سبھی جہان بھی |
| تو حیّ لا یموت ہے ترے لیے دوام ہے |
| تُو خالقِ جہاں تُو مالکِ جہاں تُو ہی الٰہ |
| تُو ذو الجلال تُو کریم بس تُو ہی سلام ہے |
| ہر ایک لفظ جس کا سچا اور حکمتوں بھرا |
| جو لے کر آئے مصطفیٰ وہ حق ترا کلام ہے |
| بزرگ بھی تو ہے عزیز بھی مرے خدا تو ہے |
| عظیم بھی تو حمد تیرے واسطے تمام ہے |
| کرے کیوں نہ حمد تیری عاجز اے مرے خدا |
| تری ہی پاکی بر لبِ ہر ایک خاص و عام ہے |
معلومات