| کس و ناکس سمجھتا ہے یہ جو قصہ کہانی ہے |
| ادھر یہ ناتوانی ہے ادھر اس کی جوانی ہے |
| رخِ کعبہ کو کافر دیکھے تو ایمان لے آئے |
| یہ ان کا ابروِ قاتل بھی قدرت کی نشانی ہے |
| دکھائے کیا تماشا دیکھتے ہیں شہرِ پر آشوب |
| اجل کے رقص پہ بھی ہم نے تو جینے کی ٹھانی ہے |
| ادھر ہے گیسوئے جاناں ادھر ہے شور دنیا کا |
| تقاضے بھاڑ میں جائیں کہ ہم نے دل کی مانی ہے |
| زمانہ آج جس میں گھوم کے یوں فخر کرتا ہے |
| اسی کوچے کی تو ہم نے بھی آخر خاک چھانی ہے |
| بھئی ناز و ادا معشوق کا ہے روزِ اول سے |
| بڑھے ہے شوق میرا اور ان کی لن ترانی ہے |
| مری ان سے ملاقاتیں تو ایسے روز ہوتی ہیں |
| کہے کیا حال ہے تو ہم کہیں بس مہربانی ہے |
معلومات