کہا کس نے کسی کے بن ہے میری زندگی مشکل |
کہا کس نے گزرتی ہے مری شب جاگ کر اکثر |
کہا کس نے اکیلے کاٹنے کو دوڑتا ہے گھر |
کہا کس نے اداسی نے یہاں ڈیرے لگائے ہیں |
کہا کس نے کہ تنہائی مرا دُکھ ہے کوئی بانٹے |
کہا کس نے بچھڑنے کا تو غم دل چیر دیتا ہے |
کہ تنہائی میں آنکھوں کو یہ بھر بھر نِیر دیتا ہے |
مگر جس نے کہا سچ سچ کہا اُس نے حقیقت ہے |
کہ اب اس عمر میں رہنا اکیلا مار دیتا ہے |
مجھے اس عمر میں تنہا نہ رہنے کے لئے چھوڑو |
بھرے گھر میں مجھے ایسے اکیلا چھوڑ مت دینا |
فقط ملنے نہیں آنا مرے تم ساتھ ہی رہنا |
تمہیں دیکھوں گا تو ہر پل مجھے جتنی خوشی ہو گی |
مرے ہر سانس میں داخل نئی اک زندگی ہو گی |
مری جو زندگی باقی ہے مجھ سے چھین مت لینا |
نصیحت یہ مری سمجھو تو مجھ سے درگزر کرنا |
سمجھ کر باپ کی درخواست یہ برداشت کر لینا |
معلومات