| تم نہیں آئے مگر سارا زمانہ آ گیا |
| بجلیوں کی زد میں میرا آشیانہ آ گیا |
| جو بُنا کرتے تھے لوگوں کی کہانی رات دن |
| آج اخباروں میں ان کا بھی فسانہ آ گیا |
| رنگے ہاتھوں چوریاں کرتے ہوئے پکڑے گئے |
| ایک دو کا ذکر کیا سارا گھرانہ آ گیا |
| آپ کی صحبت میں رہ کر چلئے اتنا تو ہؤا |
| بے سبب ہر آدمی کا دل دکھانا آ گیا |
| شاخ پر بیٹھا تو کچھ دم چہچہایا اُڑ گیا |
| ان پرندوں کو فضا کا رزق کھانا آ گیا |
| پھول بھی بھونروں سے اب تو بے وفا ہونے لگے |
| دُور سے ہی دیکھ کر چہرہ چھپانا آگیا |
| ساقی اور شیخِ حرم شیر و شکر ہیں آج کل |
| قربتوں کے راز کھلنے کا زمانہ آ گیا |
| گردشِ دوراں سے نالاں ہو مگر سوچو ذرا |
| شِکمِ مادر میں تھے جبکہ آب و دانہ آ گیا |
| چوریوں کی عادتیں بچپن سے تھیں شاید جسے |
| آج اس کو خواجہ صاحب دِل چرانا آ گیا |
| بی۳ |
معلومات