| رتبہ حبیبِ رب کا دائم رہا نرالا |
| جن کی ہے رحمتوں کا ہر آن بول بالا |
| نورِ نبی سے تاباں ہستی کے استھاں ہر دم |
| جس کے اثر سے ہوتا ہے کفر کا ازالہ |
| اذنِ الہ سے بانٹیں وہ رحمتیں خدا کی |
| ہر فیض مصطفیٰ سے ہر حال میں ہے اعلیٰ |
| دانِ نبی سے آئے ہستی میں رنگ سارے |
| آنِ نبی خلق میں ہر شان سے ہے والا |
| رونق ہے زندگی کی سرکار کےقدم سے |
| لولاک کا سجے گا اس جا حسیں حوالہ |
| رہبر سے زندگی کی آسان تر ہیں راہیں |
| آلِ سخی نے دیں کو خونِ جگر سے پالا |
| جاری حسیں کے در سے چشمے ہیں رحمتوں کے |
| الطافِ مصطفیٰ کا کونین کو ہے ہالہ |
| ہادی نبی ہیں پیارے اعلیٰ ہے شان اُن کی |
| حیرت میں جن کے رتبے نے خرد کو ہے ڈالا |
| تاباں خلق ہے ساری انوارِ مصطفیٰ سے |
| جو نور کا مہر ہو کرتا ہے وہ اُجالا |
| قدموں میں مصطفیٰ کے بخشش ہے امتوں کی |
| محشر میں دیں گے آقا کوثر سکون والا |
| محمود جود اُن کا قلزم ہے ہر عطا کا |
| فیضِ گراں ہے جس نے دامن میں جگ کے ڈالا |
معلومات