| خدا نے ہے بھیجا رسول آخری |
| وہ لے کر ہیں آئے اصول آخری |
| چراغِ ہدایت کی ہے روشنی |
| وہ لائے جہاں کے لیے زندگی |
| ہوا خاتمہ بے حیائی کا اب |
| بنائے گئے ہیں اصول آخری |
| وہ آئے تو مٹنے لگے بت تمام |
| اندھیروں کو ملنے لگی صبح و شام |
| ہوا کفر کا ہر نشاں بے دوام |
| ملے سب کو رحمت کے انعام عام |
| زمانہ پکارے یہ بات آج بھی |
| محمد ہیں بے شک رسول آخری |
| نبی اور کوئی نہیں آئے گا |
| نیا کوئی پیغام نا لائے گا |
| زمانہ ترے گیت ہی گائے گا |
| ترا امتی خلد میں جائے گا |
| قیامت تلک نام ان کا رہے |
| کہ ختمِ رسل کے اصول آخری |
| درود و سلام اُن پہ ہر دم ہو عام |
| جہاں میں رہے گا فقط ان کا نام |
| یہی کہہ رہا ہے خدا کا کلام |
| یہ عتیقؔ بولے بصد احترام |
| محمد ہیں آخر، رسولِ تمام |
| محمد ہیں بے شک رسول آخری |
معلومات