| خیر البشر ؐ ہے، اور جو خیر الانام ؐ ہے |
| ان پر قرار پائی نبوت تمام ہے |
| ذکر نبی ؐ ہی باعث کیف دوام ہے |
| "باد صبا کے لب پہ درود وسلام ؐ ہے" |
| دنیا بھی چمکے اور سنور جائے آخرت |
| سرکار ؐ کا جو بن سکے ادنی غلام ہے |
| اس کو نصیب ہوگی شفاعت رسول ؐ کی |
| جس نے کیا مدینہ میں جا کے قیام ہے |
| جم غفیر اس کے رہے پیچھے عقبی میں |
| پھیلائے جو جہاں میں نبی ؐ کا پیام ہے |
| فخر رسل ؐ، حبیب خدا ؐ، شاہ دو سرا ؐ |
| سب میں بلند و عرفہ انہیں ؐ کا مقام ہے |
| سردار کا لقب ہے ہمارے حضور ؐ کا |
| نبیوں میں تاجدار پیمبر ؐ امام ہے |
| امت پنہ کا حق وہی ناصؔر کرے ادا |
| دین متین کا جو کرے اعلی کام ہے |
معلومات