| حمدِ خدا کے بعد بیاں مصطفٰے کا ہے |
| ولیوں میں کتنا نام علی مرتضیٰ کا ہے |
| زہرا بتول مرضیہ از را و طاہرہ |
| خیر النساء بھی خاص لقب فاطمہ کا ہے |
| القاب جن کے سید و سبطِ تقی زکی |
| مشہورِ دھر نام حسن مجتبی کا ہے |
| مظلومِ کربلا کہیں خونِ خدا کہیں |
| نامِ حسین سبطِ رسولِ خدا کا ہے |
| سجدوں نے جسکے بخشی ہے سجدے کو زندگی |
| احسان یہ سجود پہ زین العبا کا ہے |
| حکمت خدا کی عصمت و حجت خدا کی ہے |
| باقر کا نام دین میں نور الہدا کا ہے |
| ملتا ہے فیض جسکو بھی علم و حدیث سے |
| تقلید میں وہ جعفرِ صادق کی جا کا ہے |
| یہ بھی ہے نامِ موسئِ کاظم کا معجزہ |
| ہر خاص و عام کئلیے مرکز دعا کا ہے |
| کرتے ہیں ذکر جن و بشر ان کے نام کا |
| ہر سو جہاں میں ذکر امامِ رضا کا ہے |
| آکر جو شیروں نے کیا سجدہ، بتا دیا |
| کتنا عظیم رتبہ یہ آلِ عبا کا ہے |
| بخشش کا دیکھو کیسا وسیلہ یہ بن گیا |
| صائب جو پاس سکہ امامِ رضا کا ہے |
معلومات