| گل گلستان بہہ گئے یارب |
| کھیت کھلیان بہہ گئے یارب |
| مٹ چکے ہیں گھروں کے نام و نشاں |
| کتنے انسان بہہ گئے یارب |
| مال و خوراک ، جانور ، فصلیں |
| سب کےسامان بہہ گئے یارب |
| کیسے کیسے عذاب ٹوٹے ہیں |
| شہر گنجان بہہ گئے یارب |
| پہلے مشرک عذاب پاتے تھے |
| اب مسلمان بہہ گئے یارب |
| کیسے نقصان جھیل پائیں گے |
| کتنے ارمان بہہ گئے یارب |
| بھوک و افلاس کا ہے ڈیرہ یہاں |
| لوگ مردان بہہ گئے یارب |
| رحم اب امٌتِ محمد پر |
| جسکے اوسان بہہ گئے یارب |
معلومات