| جلوے سے ان کے تاباں سارے کراں دہر کے |
| کونے ہوں چاند کے وہ یا گوشے ہوں مہر کے |
| ان کے ورود سے ہے افلاک میں یہ جھلمل |
| دیکھیں اشارے جن کے ٹکڑے کریں قمر کے |
| استھاں بنائے رب نے دونوں جہاں میں سارے |
| جن میں ہیں جشن جاری لولاک کی خبر کے |
| دلکش نظارے نوری اور محفلیں حسیں سب |
| یہ فیض ہیں جہاں پر سرکار کی نظر کے |
| کافور ظلمتیں ہیں نورِ ہدیٰ سے ساری |
| غائب صنم ہوئے ہیں اس شان والے گھر کے |
| الطافِ دلربا سے گلشن میں چاندنی ہے |
| ممنون فردِ ہستی آقائے بحر و بر کے |
| محمود مصطفیٰ پر آئیں صلاۃ رب سے |
| دونوں جہاں گدا ہیں سرکارِ معتبر کے |
معلومات