| بابِ نبی پہ ملتی ہر درد کی دوا ہے |
| تریاق زہر کا بھی امراض سے شفا ہے |
| خیر الوریٰ حبیبی کونین کے ہیں سرور |
| اُن کی عطا سے حاصل دارین کو بھلا ہے |
| باراں ہیں رحمتوں کے سرکار کے نگر پر |
| شہرِ نبی پہ چھائی رحمت بھری گھٹا ہے |
| رونق فضائے کن میں عکسِ جمالِ جاں ہے |
| انوارِ مصطفیٰ سے ارض و سما سجا ہے |
| پہلے الست سے بھی جو تھا وجودِ نوری |
| اس نور نے ازل سے ارشادِ کن سنا ہے |
| لو لاک مصطفیٰ کو مولا نے شان دی ہے |
| کوثر پہ قبضہ پورا دلدار کو ملا ہے |
| محمود وجہہِ کن سلطانِ دوسریٰ ہیں |
| جن کے قدم سے چہرہ کونین کا کھلا ہے |
معلومات