| پوچھا تھا ہے تہذیبِ فرنگی کا ثمر کیا |
| معلوم نہیں کہتے ہیں اب اہلِ نظر کیا |
| جس میں ملے ہر دردِ مقدر کی دوا بھی |
| لے جاتا ہے اس رہ پہ بھی موسیٰ کا خضر کیا |
| ہم اہلِ خرد کی رہِ پرخار پہ ہیں اب |
| دیکھ دشت نوردی کا بھی ہوتا ہے اثر کیا |
| اس وادیِ پر خار کو ہے عزمِ مصمم |
| چلنا ہے تجھے پھر تو اگر کیا ہے مگر کیا |
| یہ اہلِ خرد چاہتے ہیں منزلِ امکاں |
| اے اہلِ خرد بولو تمہاری ہے ڈگر کیا |
| پوچھا تھا رہِ حسن سے انجامِ محبت |
| بولی رہِ اقرار سے تم کو ہے مفر کیا؟ |
| فطرت کے لیے کوئی بناوٹ نہیں اچھی |
| تجھ حسنِ ازل کو بھلا خورشید و قمر کیا |
| جب چاہتے ہیں کرتے ہیں منمانی یہ اپنی |
| میرا بتِ کافر پہ چلے کوئی اثر کیا |
| بولا ہے کہ ماضی کے ستم یاد ہیں تجھ کو |
| بیدادیٔ موجودہ میں چھوڑی ہے کسر کیا |
معلومات