| جو حیاتِ تلخ سے رو پڑا وہی تیرا عاشقِ زار تھا |
| جو رفیق تھا جو عتیق تھا وہ جو زخمِ دل سے فگار تھا |
| دلِ مضطرب سے تھے آشنا جو رہے سدا مرے مہرباں |
| وہ جو پاس تھا تو سراب تھا جو وہ دور تھا تو سیار تھا |
| تمہیں کیا بتاؤں کہ کیا ہوا رگِ جاں پہ تیر جو آ لگا |
| نہ تو ہجر تھا نہ فراق تھا مرا دل تو اس پہ نثار تھا |
| جو لہو ہوا مرا خستہ دل تو کہاں کہاں سے لہو بہا |
| نہ حبیب تھا نہ شکیب تھا وہ تو بحر و بر کا غبار تھا |
| مجھے کیا ہوا کہ میں کھو گیا تری چشمِ تر سا میں ہو گیا |
| نہ ہی سوزِ جاں کی تھی جستجو نہ طبیبِ من کی پکار تھا |
| نہ ہی سوگ تھا نہ ہی روگ تھا وہ تو زندگی کا بروگ تھا |
| نہ ہی عشق تھا نہ خیال تھا مرے دل میں اسکا مزار تھا |
| جو ملے وہ تجھ کو دیار میں کبھی زندگی کے حصار میں |
| تو یہ کہنا لوٹ کے دیکھ لے جو تری نظر کا شکار تھا |
معلومات