| سنا ہے حامیوں کو اپنے جو رسوا نہیں کرتے |
| وقار و مرتبہ کو وہ کبھی کھویا نہیں کرتے |
| ہوا کرتے ہیں فطرت سے سلیم القلب جو بندے |
| گمان بد کو ہرگز ذہن میں پالا نہیں کرتے |
| جو نیکوکار ہوتے ہیں، غرض اوروں سے ان کو کیا |
| کسی کی رہ میں وہ اٹکاؤ یا روڑا نہیں کرتے |
| ہوس تمغوں کی رہتی ہے نہ شہرت کی لگن رہتی |
| فلاحی کام کرنے والے تو پلٹا نہیں کرتے |
| نہیں ممکن ہے مٹ جائے طلب والوں کی چاہت کچھ |
| خطاؤں پر معلم گر کبھی ٹوکا نہیں کرتے |
| تکبر شیوہ ہے کم مایہ لوگوں کا یہاں لیکن |
| کہ عالی ظرف جن کے رہتے، اترایا نہیں کرتے |
| تحمل، برد باری ہے نشانی خیر کی ناصؔر |
| جو دامن تھامتے ہیں صبر کا نالا نہیں کرتے |
معلومات