| جب زمیں پر دیے جلاتے ہیں |
| چاند تارے بھی مُسکراتے ہی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اِتنا کہنا تھا پیار ہے تُم سے |
| لفظ ترتیب بُھول جاتے ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دل میں منزل کی جستجو ہی نہیں |
| بیچ رستے سے لوٹ آتے ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شعر پڑھتے ہیں میر و غالب کے |
| دردِ دل اس طرح جگاتے ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آخرش ہار ہی گئی ہے ہوا |
| کچھ دیے اب بھی ٹمٹماتے ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| غم زمانے کے چُھپ نہیں سکتے |
| اپنی انکھوں کو ہم چھپاتے ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جن کا ٹوٹا ہو دل محبت میں |
| تیرے اشعار گنگناتے ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کارِ دنیا کو چھوڑ کر مانی |
| اپنے خالق سے لو لگاتے ہیں |
معلومات