| رب کا جلوہ کوئی کہاں ہوا ہے |
| مصطفی سا کوئی کہاں ہوا ہے |
| اُن پہ اللہ بھیجتا ہے درود |
| اُن کے جیسا کوئی کہاں ہوا ہے |
| عالم اُن کے چمکنے سے چمکے |
| یوں مجلی کوئی کہاں ہوا ہے |
| تیری نسبت سے اچھے ہیں اچھے |
| تجھ سا اچھا کوئی کہاں ہوا ہے |
| جو غلاموں کو اپنے شاہ بنائے |
| ایسا آقا کوئی کہاں ہوا ہے |
| جیسے مولا علی ہوے تجھ سے |
| یوں شناسا کوئی کہاں ہوا ہے |
| اُن کا دستِ تسلی ہے سر پر |
| مجھ کو خطرہ کوئی کہاں ہوا ہے |
| ایسا اعلی کوئی کہاں ہوا ہے |
| دو جہاں جس کے حسن پر ہیں نثار |
| یوں دل آرا کوئی کہاں ہوا ہے |
| تجھ سے پائیں فضیلتیں سب نے |
| تجھ سے اونچا کوئی کہاں ہوا ہے |
| سب ہوے سچے کر کے تیری بات |
| آپ سچا کوئی کہاں ہوا ہے |
| عرشِ اعلی پہ جز ترے آقا |
| مسند آرا کوئی کہاں ہوا ہے |
معلومات