| پھر دل کو کوئی زخمِ جفا یاد آ گیا |
| محفل میں کس کا نامِ خدا یاد آ گیا |
| تشنہ لبوں کو دیکھ کے پیمانے رو پڑے |
| ساقی کو اپنا دورِ عطا یاد آ گیا |
| رخصت ہوا تھا ذہن سے جو نقشِ آرزو |
| آئینہ دیکھتے ہی گِلا یاد آ گیا |
| منزل ملی تو لوٹ پڑے بادیہ نشیں |
| شاید کہ پھر وہ آبلہ پا یاد آ گیا |
| اب تک لرز رہا ہے فغانِ سحر کا دل |
| راتوں کا وہ سکوتِ فضا یاد آ گیا |
| دنیا کے حادثات نے عادلؔ بتا دیا |
| غم جب بڑھا تو دستِ دعا یاد آ گیا |
معلومات