| حزیں کی سخی در پہ یہ التجا ہے |
| کرم ہو نبی جی گدا آ گیا ہے |
| کریما نہ جائے یہ نادار خالی |
| جو ٹکڑوں پہ تیرے سدا ہی پلا ہے |
| یہ لایا ہے در پر بڑے ناز دل میں |
| کریمی عطا کا اسے آسرا ہے |
| اے آقا خدا کے صلوٰۃ آئیں تم پر |
| دہر بھی ثنائے نبی میں لگا ہے |
| ہے گھیرا خلق کو بڑی رحمتوں کا |
| تو داتا ہے ان کا تو صلے علیٰ ہے |
| جہانوں میں رونق کفِ پا سے تیرے |
| یہ دم بھی دہر کو تجھی سے ملا ہے |
| ہیں دھومیں ارم کی کراں سے کراں تک |
| بسائے جو اس کو وہ تیری دعا ہے |
| گراں نعمتِ رب فضائے مدینہ |
| حسیں باغ جس میں کرم کی ہوا ہے |
| مبارک ہو محمود بطحا میں آمد |
| میں حیراں ہوں کس کا تو مہماں بنا ہے |
معلومات