| اب نہ دل میں بسا کرے کوئی |
| یعنی بے گھر رہا کرے کوئی |
| اپنے وعدے وفا کرے کوئی |
| اب نہ ایسی خطا کرے کوئی |
| وہ ملے گا تو ہم بھی مل لیں گے |
| ایسے کیسے ملا کرے کوئی |
| وہ تھے غالب انہیں تمنا تھی |
| "ابنِ مریم ہوا کرے کوئی" |
| میں نے چاہی نہیں مسیحائی |
| بے دوا ہی مٙرا کرے کوئی |
| اپنے زخموں کو خود کریدا ہے |
| اب مرا کیا بھلا کرے کوئی |
| زخم میرے رکھے نمکداں میں |
| یونہی میری دوا کرے کوئی |
| مجھ پہ الزام قتل کا دھر کر |
| قتل میرا، خدا ! کرے کوئی |
| اب نہ ارقم کسی سے کچھ کہنا |
| کہہ دیا بھی تو کیا کرے کوئی |
معلومات