| الفت کا میں اپنے کبھی اظہار کروں گا |
| سوئے ہوئے جزبات کو بیدار کروں گا |
| تنہائی میسر ہو سکے فاش کروں راز |
| بے لوث وفا کا کہیں اقرار کروں گا |
| بھٹکے ہوئے راہی کے اگر بھیس میں مل جاؤ |
| موسم ہو حسیں رکنے کا اصرار کروں گا |
| بہلاوے کی خاطر جو غزل پڑھ کے سناؤں |
| خدمت میں رقم اپنے یہ اشعار کروں گا |
| تابندگی اچھلے گی وہ پیغام عیاں ہو |
| بے داغ و مثالی مرا کردار کروں گا |
| ہر سانس فنا ہوگی سوئے قوم یہ ناصؔر |
| ملت کی بقا کے لئے ایثار کروں گا |
معلومات