| دانائے کل حبیبی، فیاضِ کبریا ہیں |
| فیضِ گراں ہیں جن سے، دلدارِ دو سریٰ ہیں |
| شاہوں کے بادشاہ ہیں، کونین کے یہ داتا |
| جبریل سے یہ پوچھیں، جو پیشِ انبیا ہیں |
| اُن کو لقب ملا ہے، خُلقِ عظیم رب سے |
| دیکھیں جو دان اُن سے، لیتے سدا گدا ہیں |
| خیرات باغِ عقبیٰ، چولہا مگر ہے ٹھنڈا |
| کیا خوب ہیں خلق پر، جو دانِ مصطفیٰ ہیں |
| جن کی عطا نہ دیکھے، یہ غیر کی ہے جھولی |
| بابِ سخا ہیں اُن کے، کونین پر جو وا ہیں |
| ہیں بخششوں سے اُن کی، نادار بھی تونگر |
| فیضِ گراں سخی کے، کونین پر سوا ہیں |
| محمود کرم جن کا، ہستی پہ ہے مسلسل |
| برہانِ کبریا وہ، سلطانِ دوسریٰ ہیں |
معلومات