| احسانِ کبریائی اس در کی چاکری ہے |
| زینے پہ جس کے بٹتی شانِ سکندری ہے |
| قربان جانِ عالمؐ ہر اک عطا پہ تیری |
| رحمت خدا کی ہادیؐ تیری یہ دلبری ہے |
| آلِ سخی کے صدقے عاصی کو بھی عطا ہو |
| عترت کی چاکری جو الطاف سے بھری ہے |
| رونق دیار رحمت دیکھوں میں یا حبیبی |
| تیری عطا نبی جی احسانِ داوری ہے |
| تجھ سے ہیں آئے پیارے گل پھول ہر چمن کے |
| خلقِ خدا میں آقاؐ تیری ہی برتری ہے |
| لطف و کرم سے تیرے ذرہ بنا ہے صحرا |
| زیور یہ ہی ہے ایسا جو عیب سے بری ہے |
| محمود ہے سوالی لایا جو جھولی خالی |
| سرکار جس کی چاحت اس در کی حاضری ہے |
معلومات