| ترے خیال سے روشن ہے کائنات مری |
| ترے بغیر ہے ممکن کہاں حیات مری |
| ترے وجود سے واضح ہوئے ہیں معنی بھی |
| وگرنہ خاک میں گم تھیں سبھی صفات مری |
| میں اپنے آپ سے گزرا تو یہ خبر آئی |
| کسی نے سُن لی کہیں ہیں گزارشات مری |
| وہ ایک لمحہ کہ جس میں ترا خیال آیا |
| بدل گئی اسی پل حسِّ التفات مری |
| میں تیرے ہجر میں بکھرا تو یہ سمجھ پایا |
| سنور گئی مرے لہجے میں کائنات مری |
| کسی کے درد کو محسوس کرنا سیکھ لیا |
| اسی کے بعد ہوئیں ختم مشکلات مری |
| ترے فراق نے بخشی مجھے وہ بینائی |
| بنے ہیں زخم ہی تیرے دیئے نجات مری |
| چراغِ دل کو ہواؤں سے کیا ڈراتا میں |
| لہو سے روشن و تابندہ تھی حیات مری |
| خدا کو ڈھونڈنے نکلا تھا میں زمانے میں |
| مرے ہی قلب پہ اتری تھی واردات مری |
| ہزار بار زمانے نے آزمایا مجھے |
| مگر شکست نہ بن پائی کوئی مات مری |
| یہ عشق رہنما نکلا ہے میرا خود طارِق |
| اسی کے عکس سے روشن ہوئی ہے ذات مری |
معلومات