| غزل |
| لچک رہی ہے جو ٹہنی گلاب کی تازہ |
| سبب بنی ہے مرے اضطراب کی تازہ |
| غرور کیجئے ججتا ہے آپ پر فطراّ |
| رَچی ہے حُسن پہ چاندی شباب کی تازہ |
| کھلے کھلے ہیں شگفتہ حسین لب ایسے |
| نفیس کلیاں ہوں جیسے گلاب کی تازہ |
| رَسد گِِری ہے جو ہنستی شریر آنکھوں کی |
| طلب بڑھی ہے پرانی شراب کی تازہ |
| نگاہِ ناز اُترتی چلی گئی دِل میں |
| نفیس نوکِ پَلک خُوب آب کی تازہ |
| نفیس لب کی حلاوت، گداز قربت کے |
| حسین یادیں ہیں عہدِ شباب کی تازہ |
| بدل چکے ہیں جو کردار سب کہانی کے |
| تو لازمی ہے کتابت کتاب کی تازہ |
| شگفتہ شعر سماعت میں چاشنی گھولیں |
| غزل ہے خوب رفیقو، شہاب کی تازہ |
| شہاب احمد |
| ۲۴ مارچ ۲۰۲۶ |
معلومات