| وظیفہ دہر کا ثنائے نبی ہے |
| یہ ہستی خلق کی اسی سے سجی ہے |
| درودِ نبی سے فزوں تر ہیں عَالَم |
| ہے جیون اسی میں یہی زندگی ہے |
| سدا راہ حق پر قیادت نبی کی |
| ہے عشقِ نبی تو ملی چاندنی ہے |
| کہا قل سے پیارے بتا دے انہیں بھی |
| تجھے دید جس کی دنیٰ میں ملی ہے |
| ملا کیمیا جس سے خلقِ خدا کو |
| وہ مولا سے آئی نبی پر وحی ہے |
| فروزاں کیے جس نے صحرا کے ذرے |
| ضیا دینِ حق وہ عطائے نبی ہے |
| مزین یہ گلشن دہر کا ہے جس سے |
| نبی سے چلی وہ حسیں روشنی ہے |
| ہے راضی رہا اک گدا جس جگہ پر |
| وہ بہرِ کرم کی حسیں تر گلی ہے |
| اے محمود چرچا انہی کا ہے ہر جا |
| جو محبوبِ داور سدا ہی غنی ہے |
معلومات