| میرے پژمردہ ہیں حالات خدا خیر کرے |
| دل میں اغیار کے خدشات خدا خیر کرے |
| کرتے کردار پہ وہ بات خدا خیر کرے |
| منفی خود جنکی ہیں عادات خدا خیر کرے |
| جن کی تقدیر میں جلوت کی ملی رعنائی |
| آج خلوت کے ہیں لمحات خدا خیر کرے |
| ناخدا ناؤ بھی طوفان میں اب چھوڑ چلا |
| پیش نظروں کے ہیں خطرات خدا خیر کرے |
| جن کی ہر بات سے ملتی ہے دغا کی آہٹ |
| کیسے سمجھیں گے وہ جذبات خدا خیر کرے |
| اپنے پروانے کا دم لے کے ہی دم لیتے ہیں |
| مل گئی ان کو مِری ذات خدا خیر کرے |
| جنکی آنکھوں میں کبھی ایک بھی قطرہ نہ رہا |
| آج ساون سی ہے برسات خدا خیر کرے |
| جن کو معلوم تصدق ! نہیں اپنا ہی نسب |
| دیکھنے آئے وہ اوقات خدا خیر کرے |
معلومات