| در مصطفی پہ اُن کے دیوانے آ رہے ہیں |
| گجرے درودوں کے ہیں جو ساتھ لا رہے ہیں |
| ہستی میں جگمگائے سرکار کا مدینہ |
| نغمے حسین جس کے دارین گا رہے ہیں |
| نامِ نبی پہ قرباں راہِ سلوک والے |
| دربارِ دلربا میں مسرور آ رہے ہیں |
| فوزِ عظیم ہمدم ان کی دلی طلب ہے |
| یادوں سے مصطفیٰ کی مجلس سجا رہے ہیں |
| لطف و کرم کریں گے سرکار آج سب پر |
| دارین جن کے صدقے ہر آن کھا رہے ہیں |
| ہے انتظار آئے مختار سے بلاوا |
| آئے وہی مدینے جس کو بلا رہے ہیں |
| محمود کبریا کے دلدار مصطفیٰ ہیں |
| نغمے نبی کے پیارے دارین گا رہے ہیں |
معلومات