ابد سے جہاں جو سدا کر رہے ہیں |
یہ توصیفِ صلے علیٰ کر رہے ہیں |
جہاں یادِ قادر ذکر ہے نبی کا |
دہر حمدِ باری ثنا کر رہے ہیں |
وہ مختارِ اعلی عطائے خدا سے |
غنی ہاتھ جن کے سخا کر رہے ہیں |
وہ مرسل خدا کے ہدایت میں کامل |
جو فردوس سب کو عطا کر رہے ہیں |
وہ رتبہ میں عالی حبیبِ الہ ہیں |
چمن میں جگت کے ضیا کر رہے ہیں |
کہا رب نے جن کو بڑے خلُق والے |
بجا حق وہ اس کا ادا کر رہے ہیں |
دعا گو ہیں مولا سے ہر آن آقا |
طلب امتی کا بھلا کر رہے ہیں |
قسیمِ نِعَم ہیں وہ اذنِ الہ سے |
گراں دان سب کو عطا کر رہے ہیں |
کرم کے ہیں داتا سخی آل ان کی |
یہ کربل میں دیکھو کیا کر رہے ہیں |
شکر تجھ پہ محمود واجب ہوا ہے |
جہنم سے آقا رہا کر رہے ہیں |
معلومات