| بھڑکتی آگ کسی شمس میں مسلسل ہے |
| کہ ذرّہ ذرّہ اسی درس میں مسلسل ہے |
| کوئی تو نور بناتا ہے خاک یا پھر نار |
| تو زیست باقی ترے لمس میں مسلسل ہے |
| نگاہِ الفتِ ساقی نے بھر دیا ساغر |
| یہ کائنات تبھی رقص میں مسلسل ہے |
| چمن میں گل نہ مہک ہے اکیلی ہے بلبل |
| زمانہ ہجر کا ہی عکس میں مسلسل ہے |
| سکوں فراق میں مل جائے ہے کہاں ممکن |
| کہ انقلاب ترے نفس میں مسلسل ہے |
| بدل نہ پائے جو کرگس ہے اپنی فطرت میں |
| وقار جب کہ رُخِ ہنس میں مسلسل ہے |
| یہی تو وقت ہے اِس کو سنوار لینے کا |
| گریں گے اشک کہ دل حبس میں مسلسل ہے |
| قرار پائے گا طارق وصال پا کر ہی |
| کہ اضطراب کسی شخص میں مسلسل ہے |
معلومات