| اے مومنو! کہتا ہے یہ قرآن مسلسل |
| ہو حسن عمل اور ہو ایمان مسلسل |
| تعمیل و اطاعت کا ہو رجحان مسلسل |
| ترویج و اشاعت کا ہو ارمان مسلسل |
| بندے کی ادا کوئی جو غفار کو بھائے |
| بخشش کا مگر پاس ہو سامان مسلسل |
| معروف کی تبلیغ ہو، منکر سے ڈرائیں |
| ترغیب و ہدایت کا ہو فیضان مسلسل |
| معمول فرائض کا ہو، چاہت ہو سنن سے |
| احکام شریعت کا ہو میلان مسلسل |
| سرکارؐ مدینہ کے طریقوں سے ہو الفت |
| ہو آپؐ کی سیرت پہ بھی قربان مسلسل |
| ادراک میں ناصؔر ہے نہاں نور بصیرت |
| پاکیزہ تدبر سے ہو عرفان مسلسل |
معلومات