| اے عشقِ نبی مجھ کو دیوانہ بنا اُن کا |
| پھر رنگِ حسینی میں پروانہ بنا اُن کا |
| وجدان ملے مجھ کو اس عارفِ رومی کا |
| اور نغمہ زباں پر بھی ہو صلے علیٰ ان کا |
| کر مست یہ رنجیدہ تو سوزِ بلالی میں |
| ہو کرم سخی داتا وہ چہرہ دکھا ان کا |
| دے راگ زباں کو پھر اندازِ داؤدی میں |
| حسان کے لہجہ میں بنوں نغمہ سرا ان کا |
| امید سے یہ دل میں ہر رات میں سوتا ہوں |
| کہیں سپنوں میں اے مولا دیدار کرا ان کا |
| اس گلشنِ ہادی کی ملیں مجھ کو فضائیں بھی |
| میں کوچے میں سرور کے بنوں ادنیٰ گدا ان کا |
| ملوں سنگ فقیروں کے میں شہرِ مدینہ میں |
| عترت رہے یادوں میں اور کرب و بلا ان کا |
| ہر عازمِ طیبہ پر سایہ رہے رحمت کا |
| مسرور رہیں دائم رہے رستہ سجا ان کا |
| محمود کو رکھ قادر پروانوں میں دلبر کے |
| مسکین یہ عاجز ہے رہے بردہ سدا ان کا |
معلومات