غمِ دل آج بھی رستا ہے وہی شامِ غم
==کیا مخاطب "شامِ غم" ہے ؟ تو اُس کو یہ کیا بتانا کہ دل میں غم ہے وہ تو غم ہی کی شام ہے - اگر شام غم اضافی صفت ہے کہ شام غم میں غمِ دل رستا ہے تو جملہ مبہم ہے -

==ٹوٹ کر بہہ گیا آنکھوں سے سبھی جامِ غم
سبھی جامِ غم نہیں آئے گا - جامِ غم واحد ہے سبھی جمع کے لیئے ہوتا ہے

حرفِ تسکین ہوا میں ہی بکھر کر رہ گیا
اب ہوا دے کے مجھے جاتی ہے پیغامِ غم
== دونوں مصرعوں میں "ہوا" کا آنا شعر کو خراب کو رہا ہے -

کچھ عجب خواب تھے دل نے جو سنبھالے ہوئے تھے
وقت کی گرد سے دھندلا گئے انجامِ غم
== خواب سنبھالے تھے تو ان کی تعبیر دھندلا سکتی ہے - انجامِ غم کیسے دھندلا جائیگا -
== یہ محض لفاظی ہے -

بجھتی یادوں کے دیے آنکھوں میں جلتے رہے
پھول کانٹے بنے جاتے ہیں سرِ بامِ غم
== یہ چلے گا - مگر مصرع رواں نہیں ہے بہت لفظ گرائے جا رہے ہیں -

اب بھی خاموش سلگتی ہیں یہ ٹھنڈی راتیں
اب بھی زخمی ہے ہوا، زخم ہے گلفامِ غم
== گلفامِ غم محض قافیہ پیمائی ہے

تبدیلیاں کی ہیں ۔ اب بتائیے گا

بہت اچھی تبدیلیاں کی ہیں آپ نے - غزل نکھر گئی ہے -
اب آئندہ آپ غزل کی روانی پہ بھی توجہ دیا کریں - جب آپ کوئی حرف گرائیں تو دیکھ لیا کریں کہ اس سے روانی تو متاثر نہیں ہو رہی ہے - انشا اللہ اور بہتری آئے گی -

جزاک اللہ خیر