| اتنے ستم پہ جاناں اک اور گناہ کیجیے |
| فرصت ملے تو میری جانب نگاہ کیجیے |
| تیرِ نظر سے پہلے سینے کو کیجے چھلنی |
| پھر حالِ دل بھی دیکھیے اور واہ واہ کیجیے |
| ان کی نگہہ کیوں اپنی حرکت سے کچھ خفا ہو |
| یوں بے سبب کیوں ثانی نامہ سیاہ کیجیے |
| الفت کے راستے میں پھر کیجیے پیش قدمی |
| اور اپنے نام تہمت پھر خواہ مخواہ کیجیے |
| خنجر بھی کھاتے رہیے نشتر بھی سہتے رہیے |
| جب ہو گئے اسی کے پھر یوں نہ آہ کیجیے |
| اچھا ہے ان کی یادوں میں بحرِ خوں رواں ہو |
| بہتر ہے اپنے دل کو جتنا تباہ کیجیے |
| آنکھیں ہوں قید خانہ بازارِ مصر دل ہو |
| ہاں ہاں برائے یوسف رگ رگ کو چاہ کیجیے |
معلومات