| رسولِ مجتبیٰ آئے، حبیبِ کبریا آئے |
| ہوا روشن زمانہ جب وہ خورشیدِ ہُدیٰ آئے |
| خدا کے بعد رتبے میں نہیں ان کا کوئی ہمسر |
| ہوئی تکمیلِ نعمت جب امام الانبیاء آئے |
| فضیلت میں نبی سارے ہی بے حد شان والے ہیں |
| سراپا رحمتِ حق بن کے محبوبِ خدا آئے |
| عرب کی سرزمیں پر نور کا تارا ہوا روشن |
| زمین و آسماں چمکے ہیں وہ نورِ خدا آئے |
| جہالت کے اندھیروں کو اجالے میں بدل ڈالا |
| گناہوں کے سمندر سے نکلنے کی دعا آئے |
| کلامِ حق کی صورت میں دیا توحید کا پیغام |
| یہ قرآں ساتھ لے کر سارے عالم کی شفا آئے |
| عتیق اپنے نبی سے التجا کرتے رہو ہر دم |
| مرے تاریک دل میں بھی مدینے کی ضیا آئے |
معلومات