| خنجر کمان و تیرنہ تلوار دیکھ کر |
| باطل نے سر جھکایا ہے کردار دیکھ کر |
| اصلی کہانی کیا ہے کوئی جانتا نہیں |
| سہمے ہوئے ہیں لوگ یہ اخبار دیکھ کر |
| مشکل گھڑی ہے ساتھ بھلا کون دے ترا |
| احباب ساتھ رکھنے تھے دو چار دیکھ کر |
| چوڑی سڑک ہو اور گھنی بستیوں سے دور |
| اس بار ہم خریدیں گے گھر بار دیکھ کر |
| اک سال اک مہینہ ہے ہفتہ لگے ہے دن |
| حیران ہوں میں وقت کی رفتار دیکھ کر |
| میرا طبیب سوچ میں حیرت میں پڑ گیا |
| میرے لہو میں عشق کی مقدار دیکھ کر |
معلومات