ممکن کہاں بشر سے مدحت حضور کی |
چھائی ہے کل دہر پر رحمت حضور کی |
خیر البشر ہیں آقا امی لقب نبی |
قدرت نے ہے بڑھائی عزت حضور کی |
راہِ خدا میں قرباں آقا حسین ہیں |
رکھتی ہے فیضِ دائم نسبت حضور کی |
چھوڑا وطن نبی نے تھا اذنِ کبریا |
دیکھیں کیا سبق دے ہجرت حضور کی |
ہے عام عفو ان کا حیراں ہے کل جہاں |
کرتا عدو ہے دل سے چاہت حضور کی |
زیرِ قدم نبی کے عرشِ برین ہے |
ارفع ہے اس فلک سے رفعت حضور کی |
محمود مصطفیٰ ہیں خیر الوری حبیب |
جانے خدا ہے کتنی عظمت حضور کی |
معلومات