| غزل |
| زندگی تم مِرے تعاقب میں |
| اور میں خواب کے تعاقب میں |
| مرتکز تھی نگاہ تتلی پر |
| کھو گئے راستے تعاقب میں |
| رُوپ دیکھا مِرا فقیرانہ |
| چل پڑے منچلے تعاقب میں |
| رَات دِن ہیں عَجب کشاکش میں |
| پَھنس گئے ہم بُرے تعاقب میں |
| بچ نکلتا میں بھیڑ سے لیکن |
| ایک سایا مِرے تعاقب میں |
| جانے ہلکان ہو رہی ہے کیوں |
| زِندگی مَوت کے تعاقب میں |
| طوق لے کر کھڑے قطاروں میں |
| سابقے لاحقے تعاقب میں |
| مشعلیں لے کے ایک فرد اٹھا |
| کارواں چل پڑے تعاقب میں |
| چُٹکلا چھوڑ کر میں بھاگ لیا |
| پڑ گئے سَر ِپھرے تعاقب میں |
| تھک گیا ہوں شہاب سستا لوں |
| بھاگتے بھاگتے تعاقب میں |
| شہاب احمد |
| ۱۳ اپریل ۲۰۲۵ |
معلومات