| ہزار رنگوں میں ڈھل گئی ہے |
| خدا کی نگری بدل گئی ہے |
| نئے زمانے کی تیز آندھی |
| پرانی قدریں نگل گئی ہے |
| وہ ایک لڑکی سو خواب لے کر |
| نئے سفر پر نکل گئی ہے |
| جو دھوپ صدیوں سے سر پہ ٹھہری |
| وہ برف بن کر پگھل گئی ہے |
| وہ پیاسے بادل کی ایک بدلی |
| کئی سمندر نگل گئی ہے |
| جو بات دل میں چھپائی برسوں |
| وہ آج لب سے نکل گئی ہے |
| خزاں نے ڈیرے جما لئے ہیں |
| بہار رستہ بدل گئی ہے |
| کئی دنوں کی وہ بھوکی بچی |
| وہ روتے روتے بہل گئی ہے |
| کسی کے لہجے میں زہر اتری |
| کسی کی الفت نگل گئی ہے |
معلومات