| وہ محبت عام کرتا مسکراتا آدمی |
| مخلصی کے ہر طرف دریا بہاتا آدمی |
| خندہ پیشانی سے جھیلیں زندگی کی مشکلیں |
| موت کی آغوش میں وہ گنگناتا آدمی |
| وہ سمجھتا تھا کہ یہ دنیا ہے بس قیدِ قفس |
| ہو گیا آزاد اب وہ پھڑپھڑاتا آدمی |
| آخری دم تک زمانے سے وہ شاکی ہی رہا |
| مشکلوں کی دھوپ میں وہ تلملاتا آدمی |
| تھک کے آخر کار جا سویا وہ مٹی کے تلے |
| جو کہ مٹی سے بنا تھا، چرمراتا آدمی |
| کیا خبر سعدی خدا سے کیا گلے شکوے کرے |
| صابر و شاکر بہت تھا بڑبڑاتا آدمی |
معلومات