| ہو ہم پہ کرم توُ بڑا رحمٰن ہے مولیٰ |
| بندوں پہ کرم کرنا تری شان ہے مولیٰ |
| رحمت کیوں تری ہوگئی انجان جہاں سے |
| آباد جہاں ہو گیا ویران ہے مولیٰ |
| غالب ہے غضب پر ترے رحمت مولیٰ تری رحمت |
| محبوب کا تیرے یہی فرمان ہے مولیٰ |
| غفار ہے تُو بخش دے صدقے میں نبی کے |
| کمزور ہے کمزور یہ انسان ہے مولیٰ |
| آنکھوں میں رہے بس ترے محبوب کا جلوہ |
| میرا تو سدا سے یہی ارمان ہے مولیٰ |
| اب تُو ہی اٹھا لے وبا موذی یہ کرونا |
| خلقت یہ تری ساری پریشان ہے مولیٰ |
| دربارِ محمد میں ہو رمضاں کا مہینہ |
| دم جائے سخی کا یہ ارمان ہے مولیٰ |
معلومات