| سدا دل سے نکلے یہی بس دعا |
| عطا دیدِ دلبر ہو بارِ خدا |
| ہے جیون اجیرن کیا ہجر نے |
| دکھا دے اے مولا درِ مصطفیٰ |
| مدینے کے روشن ہیں شام و سحر |
| مدینے کو نوری کریں دلربا |
| منور مدینہ کے بازار ہیں |
| ملے جن سے کونین کو ہر ضیا |
| کرم کی نظر ہو زبوں حال پر |
| سنیں یہ گذارش حبیبِ الہ |
| کہیں کھو نہ جاؤں میں محشر مِیں جاں |
| شفاعت ہے تیری شہا آسرا |
| جپوں نامِ نامی لبِ مرگ میں |
| سخی پیارے سرور نبی مصطفیٰ |
| مدینے میں مٹی مجھے گود لے |
| یہ محمود عاصی کرے التجا |
معلومات