| پیارے حضور ﷺ ہم کو بتا کر چلے گئے |
| جنت کی راہ سب کو دکھا کر چلے گئے |
| پستی سے رفعتوں پہ بٹھا کر چلے گئے |
| "سویا ہوا نصیب جگا کر چلے گئے" |
| ہرگز یتیمی میں نہیں چھوڑا ہے آپ ؐ نے |
| امت کو ہر طریقہ سکھا کر چلے گئے |
| تبلیغ کا فریضہ نبھانا ہے جا بجا |
| وہ ؐ نائبین ہم کو بنا کر چلے گئے |
| تقوی مجاہدوں سے یقیں کو بنا دیا |
| ایماں کی شمع دل میں جلا کر چلے گئے |
| انسانیت خدا کو بھلا بیٹھی تھی مگر |
| بھٹکے ہوؤں کو رب سے ملا کر چلے گئے |
| پیغام حق جہان میں ناصؔر ہوا ہے عام |
| اسلام کا شجر وہ ؐ لگا کر چلے گئے |
معلومات