| دو جہاں میں اُس حسیں کا بول بالا ہو گیا |
| جن کے آنے سے مدینہ نور والا ہو گیا |
| نور سے سرکار کے پھیلی جہاں میں روشنی |
| چھٹ گئی ہیں ظلمتیں ہر سو اُجالا ہو گیا |
| راہ میں تھیں ٹھوکریں جو راستے سے ہٹ گئیں |
| عاصیوں کا رہنما جو سب سے دانا ہو گیا |
| آپ سے جو آ ملا ذاتِ خدا کو پا گیا |
| راستی سے آشنا ہستی میں اعلیٰ ہو گیا |
| رحمتوں کا اس جہاں میں دور دورہ بھی ہوا |
| ٹوٹے دم طاغوت کے چہرہ ہے کالا ہو گیا |
| مصطفیٰ کے شہر میں جائیں گے یارو خیر سے |
| مشکلیں جو راہ میں تھیں سب ازالہ ہو گیا |
| خیر سے محمود تو بھی فیض سے مختار کے |
| مدحتِ سرکار کا ہے سننے والا ہو گیا |
معلومات