| کہتے پردہ ہیں اور نہاں بھی نہیں |
| نام جلوہ ہے اور عیاں بھی نہیں |
| مجھ کو وسعت ہے اور بھی درکار |
| میری کٹیا یہ آسماں بھی نہیں |
| میرا ساغر یہ جام جم ہی نہیں |
| مجھے گفتار ساحباں بھی نہیں |
| دل کی بازی کہ ایسی بازی میں |
| گر نہیں سود تو زیاں بھی نہیں |
| اس لیے غم کا غم نہیں مجھ کو |
| میرا غم تو غمِ جہاں بھی نہیں |
| ہر طرف مردنی سی چھائی ہے |
| زندگی یاں نہیں وہاں بھی نہیں |
| ہم ہوئے خود شکار کہ ان کو |
| تیر تو کچھ نہیں کماں بھی نہیں |
| ذکر الفت کا چھوڑیے صاحب |
| اب تو نفرت کا کچھ گماں بھی نہیں |
| اپنی ہمت پہ منحصر ہے عشق |
| بے کنارہ ہے بے کراں بھی نہیں |
| نہ ہی سستی ہے اور گراں بھی نہیں |
| بولتے ہیں مگر زباں بھی نہیں |
معلومات