| گداز تکیہ تمہاری بانہیں نشیلی آنکھیں لسانِ قدرت |
| خطوطِ شب ہیں لٹیں تمہاری بدن کی خوشبو گمانِ قدرت |
| قدم اٹھانا غضب قیامت، کمر کا حلقہ مقامِ حیرت |
| صراحی گردن سوالِ رفعت، وجود رقصاں کمانِ قدرت |
| جمال تیرا کرشمہ رب کا، حسین رنگت عطائے فطرت |
| لبوں کی لالی گلاب جیسی بھنور ذقن کا مکانِ قدرت |
| کتاب چہرہ، گلال چہرہ، لبوں کے کونوں پہ خال پہرہ |
| اٹھان شعلہ، اٹھان فتنہ، بدن کی حدت امانِ قدرت |
| شباب تیرا ہے گل فشانی ، تجلیوں میں ڈھلی جوانی |
| سراپا تیرا متاع دل کی ، نقوش تیرے اذانِ قدرت |
| لطیف لہجوں کی دلربا تُو حسین لفظوں سے آشنا تُو |
| حروف تیرے بیاضِ غالب شہد میں ڈوبی زبانِ قدرت |
| کمان پلکیں، ہلال ابرو، فریب نظریں، مثال نیناں |
| سلیم فطرت، متین عادت، چمکتا ماتھا نشانِ قدرت |
معلومات