| دو جہاں میں کوئی میرا شہا آسرا نہیں ہے |
| ترے بن نجات کا بھی کوئی راستہ نہیں ہے |
| میں گدائے بے نوا ہوں تری اک نگہ کا طالب |
| ہو کرم گدا پہ آقا ترے پاس کیا نہیں ہے |
| تری قدرتوں کے چرچے ہیں زمین و آسماں میں |
| بخدا تو عبد رب ہے بخدا خدا نہیں ہے |
| یہ زمیں فلک ملک اور رسول و انبیاء بھی |
| نہیں کوئی بھی جہاں میں جو ترا گدا نہیں ہے |
| اے عتیق ڈر فرشتے کہیں قبر میں نہ کہہ دیں |
| غمِ عشق مصطفیٰ میں یہ تو مبتلا نہیں ہے |
معلومات