| نعرہء کُن فکاں میں اکنافِ دو جہاں میں |
| نعتِ نبی ہے روشن اطرافِ کہکشاں میں |
| گردوں میں وجد اُن سے کونین کی ضیا ہیں |
| آئے ہیں رنگ اُن سے آفاقِ آسماں میں |
| جاری ثنائے خواجہ دونوں سریٰ میں ہے یوں |
| اورادِ قلب میں ہے ہستی کے ہے بیاں میں |
| سدرہ سے دور آگے آقا کے ہیں قصیدے |
| آئے قدم جو اُن کے اس باغِ لا مکاں میں |
| ہوش و حواس مولا خاطر ہوں مُصطفیٰ کی |
| مدحت حبیبِ رب ہو لمحاتِ ہر زماں میں |
| مولا سجے زباں یہ نغماتِ دلبری سے |
| داتا بنوں میں بُلبل دلبر کے گلستاں میں |
| مقصودِ دو جہاں ہیں آقا کریم میرے |
| نغماتِ چمن اُن سے وہ رنگ داستاں میں |
| محمود درجے اُن کے اعلیٰ سے بھی سوا ہیں |
| ذکرِ نبی عُلیٰ ہے قرآں سے دو جہاں میں |
معلومات